04
қыркүйек
2023
КМҚК "№74 бөбекжай-балабақшасы" "ӘЖЕЛЕР МЕКТЕБІ"
Ұлттық тұрғыдағы тәрбие көзі - «Әжелер мектебі»
«№ 74 бөбекжай-балабақша педагогтері ұрпақ тәрбиесін, қыз тәрбиесін алдыңғы орынға қоюда. Оның бір айқын дәлелі ретінде балабақша жанынан ашылған –«Әжелер мектебі». Абайдай дана тәрбиелеген Зередей зерделі әжелердің ұрпақ тәрбиесінде рөлі өте жоғары. Терең тамырлы тарихымызға көз жүгіртсек, көргені мен түйгені мол, өрісі кең әжелеріміз қашан да саналы ұрпақ, кемеңгер келешек тәрбиелеген.
Біздің мақсатымыз - әжелердің өнегелі өмірін үлгі ете отырып, балаларды өмірге үйрету, мектептегі қыз балаларды қазақтың ұлттық салт-дәстүріне баулу, туған жерін, елін, шаңырағын ардақтайтын тәрбиелі қыз, төзімді ана, қайратты жан болуға, әсіресе, бұрымды қыздарымызды үлкенге құрмет, кішіге ізет көрсете білуге тәрбиелеу.
