Өрт қауіпсіздігі туралы педагогтерге арналған нұсқаулық

Бүгін балабақшамызға Алмалы аудандық Төтенше жағдайлар басқармасынан аға инструктор Заманитдинов Рустам Джалалдинович мен өрт сөндіруші, құтқарушы кіші сержант Абаев Жандос Бақытұлы арнайы келіп, ұжымға арналған қауіпсіздік бойынша маңызды инструктаж өткізді. Кездесу барысында мамандар төтенше жағдайлардың алдын алу жолдарын жан-жақты түсіндіріп, өрт қауіпсіздігі ережелерін тағы бір мәрте еске салды.

Әсіресе, өрт сөндіргіш құрал – огнетушительді дұрыс әрі тиімді пайдалану тәсілдеріне ерекше тоқталды. Қызметкерлерге өрт сөндіргіштің құрылымы, оны іске қосу тәртібі және қауіп төнген сәтте сабыр сақтай отырып әрекет ету жолдары практикалық түрде көрсетілді. Мамандар әрбір сұраққа жауап беріп, нақты мысалдар арқылы түсіндіру жұмыстарын жүргізді.

Мұндай тағылымды кездесулер ұжымның қауіпсіздік мәдениетін арттырып, төтенше жағдай кезінде дұрыс шешім қабылдауға үлкен септігін тигізеді. Балалардың амандығы мен қауіпсіздігі – басты назарда екені тағы бір мәрте айқындалды.